പെന്ഷനേഴ്സ് യൂണിയന് കുടുംബസംഗമവും കലാമേളയും നടത്തി
26/10/2024
കേരള സ്റ്റേറ്റ് സര്‍വീസ് പെന്ഷനേഴ്സ് യൂണിയന് വൈക്കം ടൗണ്‍ നോര്‍ത്ത്, സൗത്ത് യൂണിറ്റ്, സാംസ്‌കാരിക-വനിതാവേദിയുടേയും കുടുംബസംഗമം യൂണിയന് ജില്ലാ പ്രസിഡന്റ് ജോസ് തോമസ് ഉദ്ഘാടനം ചെയ്യുന്നു.
വൈക്കം: കേരള സ്റ്റേറ്റ് സര്‍വീസ് പെന്ഷനേഴ്സ് യൂണിയന് വൈക്കം ടൗണ്‍ നോര്‍ത്ത്, സൗത്ത് യൂണിറ്റ്, സാംസ്‌കാരിക-വനിതാവേദി എന്നിവയുടെ നേതൃത്വത്തില്‍ കുടുംബസംഗമവും കലാമേളയും നടത്തി. വൈക്കം സമൂഹം ഹാളില്‍ നടത്തിയ സംഗമം ജില്ലാ പ്രസിഡന്റ് ജോസ് തോമസ് സമ്മേളനം ഉദ്ഘാടനം ചെയ്തു. ഗായകന്‍ വി.ദേവാനന്ദ് കലാമേളയുടെ ഉദ്ഘാടനം നടത്തി. ടൗണ്‍ യൂണിറ്റ് പ്രസിഡന്റ് പി.ബി മോഹനന്‍ അധ്യക്ഷത വഹിച്ചു. സാംസ്‌കാരിക വേദി ജില്ലാ കണ്‍വീനര്‍ ജി മോഹന്‍കുമാര്‍, വൈക്കം ടൗണ്‍ സെക്രട്ടറി പി വിജയകുമാര്‍, നോര്‍ത്ത് യൂണിറ്റ് സെക്രട്ടറി എന്‍.ആര്‍ പ്രദീപ്കുമാര്‍, കണ്‍വീനര്‍ മനോഹരന്‍ നെടിയാറയില്‍, വനിതാ വേദി കണ്‍വീനര്‍ എസ് ഗീതാകുമാരി, സൗത്ത് യൂണിറ്റ് സെക്രട്ടറി പി.ആര്‍ രാജു, സാംസ്‌കാരിക വേദി കണ്‍വീനര്‍ മനോഹരന്‍ പൂമംഗലം, വനിതാ വേദി കണ്‍വീനര്‍ എം സുജാത, എ.വി പുരുഷോത്തമന്‍, കെ.സി കുമാരന്‍, കെ.പി സുധാകരന്‍, ഓമന ബാഹുലേയന്‍, കെ.സി ബീനാകുമാരി എന്നിവര്‍ പ്രസംഗിച്ചു. ഗായകന്‍ വി ദേവാനന്ദിനെ ജില്ലാ ജോയിന്റ് സെക്രട്ടറി കെ.സി കുമാരന്‍ ആദരിച്ചു.