വടക്കേനട ശ്രീകൃഷ്ണ ക്ഷേത്രത്തില്‍ വാഴക്കുലകള്‍ സമര്‍പ്പിച്ചു
14/09/2024
വൈക്കം വടക്കേനട ശ്രീകൃഷ്ണ ക്ഷേത്രത്തില്‍ ഉത്രാടം നാളില്‍ വാഴക്കുലകള്‍ കാണിക്കയായി സമര്‍പ്പിച്ചപ്പോള്‍.
വൈക്കം: വടക്കേനട ശ്രീകൃഷ്ണ ക്ഷേത്രത്തില്‍ ഉത്രാടം നാളില്‍ കാര്‍ഷിക വിളവെടുപ്പിലെ ഉത്പന്നമായ വാഴക്കുലകള്‍ കാഴ്ചദ്രവ്യമായി ഭഗവാന് സമര്‍പ്പിച്ചു. ദേവസ്വം ബോര്‍ഡിന്റെയും ഭക്തജനങ്ങളുടെയും നേതൃത്വത്തിലായിരുന്നു ചടങ്ങുകള്‍. ക്ഷേത്രത്തില്‍ ആദ്യമായാണ് വാഴക്കുലകള്‍ കാണിക്കയായി സമര്‍പ്പിക്കുന്നത്. ഇന്നലെ രാവിലെ ഒമ്പതിന് വൈക്കം ദേവസ്വം അഡ്മിനിസ്ട്രേറ്റീവ് ഓഫീസര്‍ വി.ഈശ്വരന്‍ നമ്പൂതിരി ആദ്യ സമര്‍പ്പണം നടത്തി. തുടര്‍ന്ന് മേല്‍ശാന്തി സുരേഷ് ആര്‍.പോറ്റിയും ഭക്തജനങ്ങളും ക്ഷേത്രനടയില്‍ കാഴ്ചകുലകള്‍ സമര്‍പ്പിച്ചു.